婆媳關係

收藏本版
發帖
返回列表
跳至頁

首頁
23456...7

尾頁
   599
venusbbb


大宅

積分: 2308

熱血勳章


61#
發表於 14-7-8 10:06 |顯示全部帖子

回覆：ky0416 的帖子

打緊
私人傳訊

venusbbb


大宅

積分: 2308

熱血勳章


62#
發表於 14-7-9 02:35 |顯示全部帖子

回覆：Cokegirl 的帖子

sorry 各位 jm, 要你地等，但實在太忙了，放工返到屋企吃飽冇耐就瞓著咗了。。。
私人傳訊

venusbbb


大宅

積分: 2308

熱血勳章


63#
發表於 14-7-9 02:49 |顯示全部帖子

回覆：venusbbb 的帖子

本帖最後由 venusbbb 於 14-7-9 16:55 編輯

(25) 計劃結婚期 5 --- 好消息 vs 壞消息

事有蹊蹺。

c6死人都唔講咁款，我其實懷疑99純粹俾壓力c6, c6根本唔知發生緊咩事。我運用我僅有的聯想力，即時得出五個可能性：

可能性1 : 賣樓 / 分租房間

唔可能！99唔會想搬或者同陌生人住，佢都叫衣食無憂有租收，犯不著辛苦自己；

可能性2 : 99有第二春，個男人要搬黎住

唔可能！除了街市佬同看更阿伯，諗唔倒傳統守舊的99仲會接觸到咩其他異性，況且佢最愛的只有錢同自己；

可能性3 : 99有朋友到訪，要招呼朋友住

唔可能！除了雀友，99還有朋友嗎？沒有！就算有，提供住宿呢啲咁蝕底的行為99係絕對唔會做的；

可能性4 : c6大佬一個 / 一家要搬返黎住

唔可能！大佬同老婆冇感情問題，就算有都唔會因為咁找99，事關大佬平時都少理99，嫌棄99，一年都見唔倒五次，加上外家住正佢樓下，負責同佢湊一對仔女，正路唔關大佬事；

可能性5 : c6細佬一個 / 一家要投返黎住

唔可能！細佬當年20歲仔搞大咗人地個肚先結婚，個女今年都中四了，咁多年黎都同弟婦響同一間公司工作，感情keep住唔錯。 當年佢地年紀少，一家三口要同6299住，兩公婆打工靠99湊女，所以家中時常因為生活瑣碎事上演世界大戰，婆媳`湊仔問題不絕。幾經辛苦，早幾年前才靠自已加99幫少少先上到車有自己的家，還會想重返99的屋簷之下嗎？

我覺得五個可能都無咩可能發生。

c6呢個時候深深倒抽了一口涼氣，淡然說：雖不中，亦不遠矣！
我在思索c6的弦外之音。。。此時，c6有意無意，摸了一摸自己的肚腩。。。
Are you kidding???
我忍唔住哇了一聲，頓時恍然大悟！ 只是覺得一切發生得很不可思議，叫人難以置信！

c6弟婦相隔十五年後再度懷孕，對我來就，既是一個好消息，也是一個壞消息。
好消息因為這意味著恨孫恨到發燒的99，會將注意力放到弟婦而不是我身上；
壞消息因為我唔明白生仔係細佬家事，點解要無啦啦影響埋我同c6 ?!

話分兩頭，c6話99講佢知係一定唔可以同我講呢個消息，因為未夠三個月怕小氣。但佢見我太嬲，迫於無奈先透露咁話。c6第一時間俾我鬧佢屎忽生響個頭度！用下個腦啦！大喇叭99講俾你聽之前一定已經將呢個消息和\"我同你講 你唔好同第二個講\" 呢句同唔同人講咗N次啦！ 搞到又搬野又搬屋咁，將簡單問題複雜化，有咩野最多咪寄存響迷你倉先囉，死蠢！

其實所有野都係c6從99口中得知，孰真孰假 ,我還是很有保留。
就算弟婦真係有咗，佢地屋企同99的咁近，大可以叫99過去幫手，唔需要搬埋去住，若淨係去99度坐月還合理一些。況且細佬一家本身同外母一齊住，未必要99出手，會唔會有人一廂情願自己想湊孫，所以暗中先向c6出手？

咩都係假，我要清楚成件事先！
可是，現實往往是殘酷的，如果我有得再㨂過，我情願永遠都唔知個真相。。。(待續)
私人傳訊

venusbbb


大宅

積分: 2308

熱血勳章


64#
發表於 14-7-9 13:21 |顯示全部帖子

回覆：venusbbb 的帖子

本帖最後由 venusbbb 於 14-7-9 14:53 編輯

(26) 計劃結婚期 6 --- 迷思

所謂的真相，其實係直至弟婦生了bb之後，發生了一件大事才大白的，因為呢件事，我同99的緣亦盡於此。一切彷彿都是命數，又彷彿，根本就是一個詭局。

我每打一篇的時候，文字上除了要為下一篇埋下伏筆，其實更想讓大家看得見事情發展的時間性，一幕幕之間，其實蘊藏了很多很多的巧合，而所謂的巧合，都是從我知道弟婦有孕開始，才慢慢意識過來。

既然大家咁心急，我即管將我所有的迷思一次過抛出來給局外的jm們客觀分析一下：

>> 弟婦是因為透過打排卵針而成孕的，點解我會知？因為有人不得不坦白：c6家族同弟婦家族都從來沒有生孖胎的歷史，而今次，弟婦懷的正是孖胎！但佢個大女都十五歲了，有子女的jm們，你們會這個時候才說想追多個(男) 仔嗎？

>> 細佬聲稱唔知道打排卵針會生多胎的可能 , 反指99成日要錢影響他們的追b大計。我迷思係：99真係恨孫恨到不得了，之前佢主力叫我生，我同c6婚都未結，佢靜靜叫c6同我一齊唔好用套，自己又去咗上陪月課程！(最後考試係肥佬的！補考又再肥。。。我發誓無論如何都唔會俾佢湊！) 如果佢地有心生，99會唔支持嗎？會要錢嗎？又如何，99要錢姐，細佬都唔會佢要就俾，成件事合理嗎？

>> 生仔點都係兩公婆的事，平時我見佢地對大女的照顧同栽培都不足，問心我係父母真係寧願俾多啲時間同資源個大女仲好啦，潮流興早婚，等抱孫好過啦。

>> c6好錫呢個姪女，我地買禮物陪去街傾心事不在話下，我為咗姪女犧牲咗好多個weekend抽時間同佢補習，任補任問，佢好鍾意問我功課，成績亦有進步，其實佢讀書唔差，響英中返學，應該加以培育嘛。我從來沒有收過佢地錢，問心，大家屋企人，唔會咁計，但人地唔珍惜，仲利用自己個女過我兩棟(下一篇交待)，我無言。

>> 唔止99， 細佬同弟婦都好恨生(男) 仔。眾所周知99偏心大佬，大佬又先後一女一仔，佢兩公婆簡直羨慕嫉妒恨！我親耳聽過唔止一次佢地埋怨99偏心，但。。。有必要為此自己負上一身兒女債嗎？

>> 我覺得佢地刻意誤導99。弟婦初期成日話佢既係異卵雙胞，又話所以咁可能係一仔一女，聽到個仔字99當然開心啦，但就擺明恰99咩都唔識！我有常識架，你打排卵針異卵雙胞好正常喎，但唔一定係你講既一仔一女囉！你當我傻的嗎？我唔篤爆你咋，咪當我Lulu啦 ! 雖然，我都真心希望最好係孖仔，呢個結果肯定更皆大歡喜！

其實我未羅列完，為免捧我場的jm苦等，又要做野，講住大肚呢part既迷思先，你地分析住先啦，
I will be back!!! (待續)

點評

yuki-BB  好想知道點用個女過你們兩棟。  發表於 14-7-9 21:51
fungwongphie  努力  發表於 14-7-9 21:05

私人傳訊

venusbbb


大宅

積分: 2308

熱血勳章


65#
發表於 14-7-11 10:52 |顯示全部帖子

回覆：venusbbb 的帖子

(27) 計劃結婚期 7 --- 中伏

我同c6都覺得，一直恨抱孫恨到發燒的99，查實唔係幾開心。

佢既唔開心，大概源自擔心剛開始的自由自在的生活給打亂。
猶記起99在迫走我同c6住劏房的時候，
99曾經同c6講過：
如果你第日同佢結婚，就要快快生B，萬一唔係仔就可以快啲追多個。。。我得一個男孫，唔夠既。。。到時你地可以搬返黎住，我同你湊個B，不過你要請個工人俾我，唔好旨意哂我架。。。。。。

我聽到的時候，sorry，真係忍唔住「」一聲笑咗出黎！

皇恩浩蕩！！民女實在受寵若驚，感謝皇太后賜民女重返宮中的機會！救命呀，我情願你將我發配邊疆，一世不得再踏足京城半步好過嘞！ 我有錢請工人咁做咩要搬返黎同你住要你幫手---幫手叫我工人帶我個仔陪你同啲雀友social (平時大佬個襯家就係咁~) ， 你養到我c6咁肥我又會信你有工人時自己會做野啦！ 我知，你唔抵得大佬襯家，但唔駛發夢，妄想攞我個仔玩，唔駛旨意！

可惜丫，雖然我同c6唔會再同你住，但我地都想你老人家一個人響間大屋度，住得舒舒服服，輕鬆過日子，所以就算明知上車都洗錢整好哂間屋！點解你咁蠢架呢？ 錢好 時間好 一路都係得我同c6分俾你，人地大咗肚想謀你先轉性個個禮拜揾你飲茶，你都仲信佢地，唉，一切都是自找的，因果，其實早有定數。

如果。。。如果99一早知道，弟婦肚裡面的係孖女，結局應該唔會係今日咁呢？。。。
我唔知，但c6話應該唔會咁順攤俾佢地全家連襯家奶奶兼新聘的印印一行七人強佔紫禁城！

做咩咁心急呢？呀弟婦四個幾月問親都話照唔清楚的時候，我已經好清楚，呢一對孖女，好快同大家見面！照唔倒咪就係照唔倒(菇菇) 囉！99又死蠢聽佢9up！冇啦冇啦，陀到六個月個肚籮咁大冇得唔認係孖女的時候，人地已經開始佈置房間了，育嬰用品塞滿了一大堆，99當時已經恨錯難返，有咩辦法會開心呢？

係喎，差啲唔記得仲要擔心呀襯家奶奶都搬埋過黎！(弟婦係獨女，單親，媽媽之前有男朋友，最後分手收場所以搬回來同細佬一家住) 細佬間屋放租出去收萬幾蚊架，梗係唔會留俾外母住啦，佢供樓都唔駛四千，有剩請工人俾家用99就差唔多！

細佬俾好少錢99，99話佢俾得六千唔包水電煤，於是未搬前已經炒咗鑊金，後尾好似負責番水電煤，但幾多我就唔知嘞都唔荒多架啦！一味話窮要留番啲錢養B，真係冇錢養既學咩人生仔丫？！三間房，八個人，你話點分配好呢？！我好佩服細佬架，日日對住七公主，真係皇帝般的生活！

大佬繼續一貫作風，置身事外，不聞不問。但我地唔可以！因為佢地要c6快快搬走哂啲野，包括我地之前新買但99唔俾我地搬去劏房的新床，仲有書架書電腦枱等c6用開的傢俬，要我地自己諗辦法自己出錢處理，你生仔做咩搞著我同c6呢？c6，咁我地點好呀？我地間屋又點好呀？ (待續)

篇幅所限，過大女兩棟單野另篇詳述，敬請見諒！

點評

kobe2013  大部份新抱都應該想被發配邊疆  發表於 14-7-11 16:40
leechansandy  紫禁城  發表於 14-7-11 14:10
Kinkylaw    追左咁耐...正....
樓主...寫左咁多野, 可以出書LA  發表於 14-7-11 12:06
私人傳訊

venusbbb


大宅

積分: 2308

熱血勳章


66#
發表於 14-7-11 19:48 |顯示全部帖子

引用：七個人搬黎住俾6000家用??咪玩啦!

原帖由 阿流 於 14-07-11 發表
七個人搬黎住俾6000家用??咪玩啦!
依家幾多我真係唔知，但好肯定唔過萬！
私人傳訊

venusbbb


大宅

積分: 2308

熱血勳章


67#
發表於 14-7-12 14:49 |顯示全部帖子

回覆：Edwinalo 的帖子

I\'m quite busy today sorry... Will upload asap... Hopefully tonight... Thx for all ur support
私人傳訊

venusbbb


大宅

積分: 2308

熱血勳章


68#
發表於 14-7-14 12:30 |顯示全部帖子

回覆：venusbbb 的帖子

本帖最後由 venusbbb 於 14-7-14 18:26 編輯

(28) 計劃結婚期 8 --- 第四誡

好多朋友問我：擔唔擔心紫禁城一天被攻陷，落難的皇太后會出走京城，被迫投靠大貝勒(大阿哥)，或者投靠已歸隱的c6和我。

我唔擔心。

雖然，我敢擔保，他日99若然求救於自私的大阿哥，應該得不到半點援助，但這並不代表施援的責任就此落到我同c6的手上。況且，大家有所不知，99的本土意識是極之強烈的，為了宣示主權，捍衛她的家，其實係唔會輕易放棄/ 被迫撤走的。佢既第一堅持，表現於房間分配上。

三房兩廳的三房，分別為一大，一中，一細連套廁(只有坐廁洗手盤沒有淋浴間)的房間。最大的一間房一向都是屬於99的。以前我同c6睡在中房，連套廁的細房反而作為書房，因為方便困住並限制我兩隻寶貝的活動範圍。

孖女的準誕生，並不足以誘使99讓出她的大房。縱使弟婦聲稱佢會選擇餵人奶，99仍堅定提出寧願每夜跟孖女瞓，都不會調房。最後房間是這樣安排的：
大房： 99，為騰出更多空間，將原本的標準雙人床改為三呎單人床
中房： L型上下格組合式床架， 上格襯家奶奶，下格大女，附設小衣櫃和書枱
細房：細佬兩公婆，佢地訂造了一張king size床，莫說BB床，安床後床邊的空位連一個身位也沒有！他們指一定要訂造king size, 方便同其中一個BB一齊瞓喎，所以要c6搬走我地張新床。

工人：擬同99一間房，但最後是否被安排瞓廳則不得而知
孖女：日間都在大廳，夜間則輪流照顧，主要都在大房

其實我覺得很浪費，搬劏房時99又唔俾搬張床已另購一張新的，最後床和書枱書櫃等傢俬一併轉贈予我一位正要搬往公屋的朋友。99不太滿意簇新的傢俬就此送俾35識7我的朋友，工人搬運時全程黑面，我一於好少理，好笑嘞！又關我事啦？我都未黑面呀！你黑面算點先？！

題外話，有件事情我不吐不快：話說清理餘下傢俬的時候， 只有我同99在家，c6有事忙外出了， 當時我正在收拾書枱上的物件，99忽然手指指向我說：這些我都很喜歡，你可不可送給我，不要拿走，留一些在家好嗎？

99所指的是我蒐集所得的大大小小的天然水晶擺件：有大過網球的黑曜石水晶球，紫晶球，白水晶文昌塔，粉晶招財貓，黃晶金元寶，水晶簇等等，都是有段時期水晶大行其道時我自己買下的。

\"可唔可以送俾我\"其實是一個closed question，即係我只可以say yes or no，其實如果我知你喜歡，我好樂意送哂俾你，但你咁樣開到口就真係。。。總之我唔會say no 囉！錢財身外物，一件不留豪俾你！c6又話買過哂俾我，唉，是但啦，不在乎天長地久，只在乎曾經擁有。。。

但成件事最諷刺的，是99最在後關頭叫我搬走佢啲好舊唔用又唔捨得丟掉的餐椅，話送俾我囉！其他我買的活動晾衣架茶几等佢有用的又話留低俾佢，唉，真係多謝哂，你當時已經知道我地住劏房的了，我接收你的餐椅幹嘛？己所不慾，勿施於人，99你知成句點解嗎？

講返轉頭，我話唔擔心姐，但都不能掉以輕心。我唔能夠擔保，事情繼續發展落去，仲會有咩新驚喜。為了確保自己的幸福，我鮮有大膽地向c6主動提出一個要求：還記得我同c6的約法三章嗎？(詳見第17篇)， 我要增設第四條條款 --- 他日無論發生任何事故，皆不容許收留99：c6有權陪伴99,金錢支持99, 租地方俾99，但唔容許要求我同99生活在同一空間。

c6最後都答應了我的訴求。這是我覺得唯一能夠保護自己，保護我同c6的方法了。我的要求很過份嗎？ (待續)
私人傳訊

venusbbb


大宅

積分: 2308

熱血勳章


69#
發表於 14-7-15 23:36 |顯示全部帖子

回覆：venusbbb 的帖子

(29) 計劃結婚期 9 --- 立場

曾經，我很認真的坐下來，跟c6討論他的家事。

雖然我時刻提醒自己，唔好理男家的風風雨雨，但知己知彼，我意識到，即使c6有多撐我，了解對方的意向還是重要的。畢竟佢都係男家的人，有起事上黎，真係唔係你話唔理就可以唔理的。。。

其實我唔係真係咁憎呀99， 只係，我常常為她的無知和不知足感到很憤慨。
起初，我同大家都一樣，覺得細佬一家的行為很過份，很算死草，很夾硬黎。
但當聽著c6娓娓道出從前的往事，我不由自主的嘆氣，很多事情的禍根其實都是99自己的種下的：

以前細佬奉子成婚，年紀仲細能力有限，一家三口跟6299住，要公一份婆一份靠99幫手湊女，99於是成日恃住自己的重要性，處處為難一對新手父母：例如孫女選幼稚園同小學，一定要選99喜歡的，總之一有咩事就用\"罷湊\" 作威脅，下下唱反調，成日睇死佢地兩公婆，說很多難聽的說話，又會響孫女面前講父母的壞話，好似\"佢地又唔俾錢嫲嫲啦\"諸如此類，聽到都覺得討厭 !

大概受了很多委屈吧。細佬後來左借右借，包括99，最後成功上車。但人都未搬走，99就自把自為，提議將層新樓以遠低於市價的價錢租俾當時新婚的大佬，雖然大佬無此打算最終亦無去住，但為此弟婦心中一直有條刺，覺得99好偏心，亦唔尊重佢地。99平時對大嫂的態度又好唔同，對唔住，除了「死狗」我真係諗唔到其他形容詞，到後來大佬仲生埋粒慈菇椗，佢地心有不甘的程度可想而知。

但我唔會因為咁搞自己個肚皮囉！ 99係自私，係口臭 , 但河水不犯井水，你有你生活，我有我忙碌，做咩自己生仔要影響自己/其他人的生活呢？這一點我實在很不認同。又要諗計仔諗縮數搬返去同99住叫99幫手湊，又要寄人籬下受人氣，大家日日望住兩個無慈菇椗的囡囡，又唔見得真心高興，唉，雖然我個人不重男輕女，但無可否認這是事實，是99家的悲哀。

入正題。我重點問c6兩條問題：你點睇成件事？你怕不怕有人鵲巢鳩佔？ c6若有所思，然後淡淡然說：佢地都係我屋企人，我唔會諗佢地有咩陰謀，鵲巢鳩佔？唔怕！

慶幸我同c6的的立場挺接近的：我地都不太在乎層樓。

試想想，就算細佬一家不搬過來，我地都預99自己一個住到百年歸老，所以說到底，間屋都是不動產，我地又不是望分家，還望99身體健康，咁間屋至少都要待多廿幾年啦，我好命生個仔都出身了，我情願開開心心過日子！

講黎講去99咪又係得間屋呢個資產，有幾巴閉姐，好心啦，趁有健康食得行得走的瞓得，留番啲心神頤養天年好過啦！

唔知99係貪心，定係怕我呢隻妖精發功，定係背後有人慫恿，原來佢不久之前曾要求c6將層樓轉哂俾自己！當時佢要c6簽隻字響白紙寫話放棄層樓云云，c6知應該沒有法律效力，又諗住好仔兩頭瞞，所以當時無同我講，但此舉已令c6對母親徹底失望！

時至今日，c6話如果99真係開到聲要層樓，佢一定會俾，就當賣斷層樓家用都唔會再俾！真架？係就好啦！c6，我支持你！不過此事尚未發生，c6已經另有行動了 --- 多俾99家用有如倒貼麻煩自私的細佬一家，這種感覺。。。實在不爽！所以呢，99每月的家用即日起一減再減！孝順的c6講明過時過節會額外俾多啲錢孝敬99，但定期家用以後只會維持有限度的供應。

99反正俾幾多都唔滿意都覺得係我教唆c6，嘿， c6， 我支持你！ (待續)
私人傳訊

venusbbb


大宅

積分: 2308

熱血勳章


70#
發表於 14-7-16 08:36 |顯示全部帖子

引用：勸你c6唔好放棄層樓萬一佢老母比個細仔呃咗

原帖由 ky0416 於 14-07-16 發表
勸你c6唔好放棄層樓
萬一佢老母比個細仔呃咗層樓
佢咪有借口痴住你兩公婆住囉
佢想自己要哂姐
佢咁緊張錢
一日在世都唔會放手或轉俾任何一個
如果唔係今日人地就唔會要靠霸啦
私人傳訊

venusbbb


大宅

積分: 2308

熱血勳章


71#
發表於 14-7-16 08:51 |顯示全部帖子

引用：俾左層樓99當下半世家用，跟住自己儲多個錢

原帖由 阿流 於 14-07-16 發表
俾左層樓99當下半世家用，跟住自己儲多個錢，有咩事要買個細單位俾99都有彈藥

...
講真，就算有本事買多層，有咩事都唔供出層樓，咪叫細佬大佬三兄弟一人夾一份租金囉！個阿媽佢地都有份，唔駛旨意瀉膊，咁多年黎都係得c6一個出錢，問心做咗最大本分了，結果咪又係老馮咁，以前c6單身，佢地就話自己有頭家要顧，今時今日有我，唔會俾佢地一個二個當佢鵪𪂹㩒住搶丫，成班食菜肉（錯薬）！

點評

kitping123  樓主，愛死你  發表於 14-7-17 12:35
私人傳訊

venusbbb


大宅

積分: 2308

熱血勳章


72#
發表於 14-7-16 09:55 |顯示全部帖子

引用：您99咩都想貪真係好想知您99知道係孖女會點

原帖由 llssisi 於 14-07-16 發表
您99咩都想貪真係好想知您99知道係孖女會點
口不對心的99會說：仔好女好，冇所謂，最緊要身體健康。。。(真實對白)

開頭聽到一兩次，冇野丫，但聽一百次，你會覺得真係冇所謂咩？

有樣野不得不提：對孖女尤其是大孖同99簡直餅印架！
連99都話似佢唔靚
c6似阿爸，希望我生的會唔似99啦，喃嘸阿尼陀佛~~~~~~~~~~

點評

EudyptulaMinor  唔明點解d老人家咁恨仔........ 仲要講到出口話生孖仔最好................  發表於 14-7-16 12:39
私人傳訊

venusbbb


大宅

積分: 2308

熱血勳章


73#
發表於 14-7-16 09:58 |顯示全部帖子

回覆：venusbbb 的帖子

如果我係弟婦，生對孖女似99，我應該會哭，唔係講笑
私人傳訊

venusbbb


大宅

積分: 2308

熱血勳章


74#
發表於 14-7-17 13:09 |顯示全部帖子

引用：Quote:原帖由+venusbbb+於+14-07-16+發表佢

原帖由 kobe2013 於 14-07-17 發表
佢阿媽死咗，到時分身家咪又係要分埋比佢阿哥同細佬，分分鐘佢仲會寫埋遺囑，兩層樓都淨係留比大佬tim呀！ ...
99收租層樓係62留俾佢，佢要100%俾哂大佬冇問題，隨佢歡喜，沒有意見；

99現在的屋企同c6聯名，當年62都有供樓的，好快大佬細佬先後搬走，得c6俾家用俾錢一齊供，所以有加c6名，62已仙遊，c6現在又有我，所以99想要晒成層俾自己，c6同意「賣斷」就是這個意思，我都不知幾想就此錢銀上割𥱊；

我同c6上車係另一個單位，完全唔關99事，佢豆零都冇出過，得c6一個名
私人傳訊

venusbbb


大宅

積分: 2308

熱血勳章


75#
發表於 14-7-17 13:18 |顯示全部帖子

引用：Quote:原帖由+venusbbb+於+14-07-16+發表佢

原帖由 kobe2013 於 14-07-17 發表
佢阿媽死咗，到時分身家咪又係要分埋比佢阿哥同細佬，分分鐘佢仲會寫埋遺囑，兩層樓都淨係留比大佬tim呀！ ...
既然如果99開到聲，我地又肯賣斷，冇人知道，99會不會連自己住緊的都俾埋大佬，或者因為咁，咪有人擔心到時得個桔吧？！

其實我有問過c6，如果。。。如果我第日真係生了個仔，咁會點？c6話咁99應該會分俾我地喎！

下？咁有人咪要繼續追仔囉？不會吧...
私人傳訊

venusbbb


大宅

積分: 2308

熱血勳章


76#
發表於 14-7-20 10:32 |顯示全部帖子

回覆：venusbbb 的帖子

(30) 計劃結婚期 10 --- 孖女出世了！

轉眼間，孖女已經瓜瓜落地：母女平安，大孖四磅多啲啲, 細孖差d啲啲先四磅，所以要住箱仔睇緊啲先，其他一切良好。

無論中間有甚麼是與非，家人有喜，都好應該恭賀一下，慶祝一下。我同c6諗咗好耐送咩俾一對小姪女，遲遲都未有共識：c6 話實際啲，買奶粉 / 尿片 / 孖位車仔 / 利是 (折現) 等等，我覺得都好，不過始終沒有紀念價值，同一般朋友送禮無咩分別，話哂都係二伯，送份特別啲好！

c6 比較忙，冇時間一齊去㨂禮物，叫我自己揸主意。我於是集中火力，去了睇金。金吊咀，手鏈仔，手鈪仔，金幣 等等都係我心水之一，以金作禮很好哇，有意思之餘有需要又可變現。

走訪了多間b6常光顧的名牌鏈鎖金店，我把範圍縮窄至吊咀和手鈪。後來又發現，大部份的吊咀原來不是足金的，純粹新潮飾物，雖然很價廉物美，卻偏離了我們送禮的原意，所以我把注意力放回金鈪仔上。

要買一對完全一樣款一樣重的金鈪仔，原來絕不容易。一般鋪面都有各式各樣的現成品供客人選購，偏偏要一模一樣的就沒有！最後去了一間都好出名兩個字的，竟然有兩對同款同重的俾我㨂，唉，不枉我行咗咁耐，有救了！

其實我鍾意輕啲平啲的一對鈪仔。不是我貪平，實在我喜歡款式簡單一點的：圓圓光滑的鈪上有一個小叮噹，好清雅。不過c6話我，既然送得就唔好諗自己覺得邊對靚，一對只係差千餘元，買對費的好了，一世人兩兄弟重手啲都唔怕。

就係咁，我同c6買了一對價值四千大元的手鈪仔，準備送俾一對剛要出院回家的小姪女。時間關係，我把手鈪先拿回家，諗住第二天等埋c6先一齊送俾佢地。。。

今時今日，呢對手鈪還在我的手上！

我不會賣掉，因為單據上的日子會永遠提醒我，我是在這一天跟這一家人從此不相往還的！我要用一對金鈪，時刻提醒自己，不要再心軟，不要再有奢望，妄想男家也是一家人， 為這些人 根本是在浪費我生命中的時間，一點都不值得。

要同99做到君子之交淡如水，其實不難，門面野做足就算了，我自問應該夠能耐捱得住的。但最後能夠讓我這麼灑脫，連門面野都慳番，我要衷心向弟婦致謝！ (待續)

點評

mrhappy123  睇到好緊張  發表於 14-8-9 23:18
私人傳訊

venusbbb


大宅

積分: 2308

熱血勳章


77#
發表於 14-7-20 10:32 |顯示全部帖子

回覆：venusbbb 的帖子


1405823655682.jpg

點評

cherrylemon  好靚的一對鈪仔   發表於 14-10-16 15:23
私人傳訊

venusbbb


大宅

積分: 2308

熱血勳章


78#
發表於 14-7-20 12:02 |顯示全部帖子

回覆：venusbbb 的帖子

(31) 計劃結婚期11 --- 十大罪狀

今次攪攪新意思，主力講下我自己。

大家睇咗咁耐，對99相信有一定的了解。你問我，99有問題就梗架啦，但我自己本身又有咩問題呢？點解絲毫打動唔倒99呢？關弟婦咩事呢？可能jm會有疑問。。。

天枰座的我好公平的，我唔會自己講自己有咩問題，令到人地要對我咁咁咁，這個做法不客觀，亦給人感覺有欠中肯。且讓我360度公開99響其他人面前對我的控訴，讓大家認識一下99眼中的我：

1. 我去完街的外套放響椅背係錯的，有鬼附身？有冇jm知點解？

2. 同99住時我同c6間房有個四桶櫃，我用上兩格c6用下兩格係錯的，騎住c6 ?

3. 摺衫時我啲罩同c6啲衫放埋一齊係錯的，邪住c6？

4. 床有一邊係靠牆的，c6平時瞓靠牆的一邊，我瞓開面係錯的，男人先應該瞓開面？

5. 佢一唔見咗啲咩，包括錢，都第一時間賴係我掉咗/偷咗佢既？ (從來無憑無據，乃99片面之詞)

6. 我有心剪爛佢啲植物？

利申：係試過我貓貓百厭咬爛咗啲葉，我覺得肉酸所以剪咗爛既葉，事後有道歉解釋過，亦終日困住貓貓響書房，免生事端。

7. 同唔倒佢個孫女補習係錯的。

利申：我免費幫細佬個大女補習，有一次公司好忙我一路都未走得，但妹妹第二日就測驗話一定要補，最後我收工晚飯都未食就衝上了細佬屋企，完事後謝哂皮要慢慢行番99度，99一見到我就鬧我搞到咁夜！都算，測驗完派成績好好，佢響我面前同孫女講：你真係叻！我唔係貪你一個多謝或讚賞，但真係好冇家教囉！

8. 我呃c6錢，仲要係呃哂就會走佬嗰種？

利申：99話幫c6儲錢，無啦啦問c6攞咗三萬話去銀行買人仔，到c6出錢裝修或上車或到現在都無再提過或攞番出黎，我同c6講咗話你都扣咗佢咁多家用算了當去旅行洗咗，99你話我咁請問你為c6做過啲咩呢？驅邪捉鬼？

9. 佢話我響佢廁所同櫃桶收埋多把較剪，落佢降頭？所以身體連番不妥？

呢個指控好嚴重！

利申：不久之前，99響大佬襯家度打通宵麻雀，忽然流咗好多血(其實係連續打咗好多日麻雀唔夠休息燥底谷爆咗粒痔瘡！) 係我同c6火速坐的士送99去私家醫院門診，時間係深夜兩點半！我唔係介意，只係好奇，點解唔係揾住襯家樓上有私家車的大佬呢？ 都算，之後入院出院覆診都係得我一個人陪99的，啲仔呀新抱呀死哂？

幾個月之後，佢又話個肚唔舒服，佢個保險顧問話不如照下腸胃鏡安心啲，最後醫生照到條腸有幾粒息肉即時kim走埋，無事，好少事，但又係我幫手由頭陪到落尾囉！話俾大家知，住院期間佢地冇人黎探過99架！但成件最後演變成係我刻毒，落佢降害到佢咁！好野！

第十罪狀同故事發展好有關連，下篇再續！ (待續)
私人傳訊

venusbbb


大宅

積分: 2308

熱血勳章


79#
發表於 14-7-21 11:03 |顯示全部帖子

回覆：venusbbb 的帖子

(32) 計劃結婚期 12 --- 批鬥

買完對金鈪仔，因為夜了第二日又要返工，諗住同c6一齊放工上99度先送俾BB，當時細佬一行七人包括工人都已經住響99家，天真的我亦唔知道自己身負咁多罪狀的，直到我臨上班前 ( 我當日咁啱返下晝，仲響屋企，c6則一早出門上班去 )，十點半鐘左右，弟婦用99屋企的電話打俾我，我不虞有詐，接咗呢個電話。。。

弟婦一黎就用非常唔客氣的聲調在電話的另一端咆哮：
你咩事呀你？係咩居心呀你？你唔好成日整蠱做怪，害我地一家，又收埋啲較剪呀啲野害阿嫲(99)，你咩居心大家已經好清楚，我地俾面xx(c6) 先睬你咋，你以為自己好巴閉呀？成日做埋咁多小動作！你教壞我個工人，想害我地丫。。。(佢收口，似等我回應，但我無出聲，於是佢繼續。。。) 。。。又教壞我個女， 佢去完你度成個禮拜都唔睬我啦，你好開心啦！細路女咩都唔識，你就乘機教壞佢搞事， 你衰就好啦，唔好搞啲細既。。。

我無啦啦俾人咁噴法其實真係好應該cup佢線，但我當時唔識嬲，因為我真係一頭霧水，好想聽下佢講咩，發咩神經，但都忍唔住回咗句：你想講咩講清楚好喎， 唔好屈得就屈！

弟婦繼續佢以為一輪咀大大聲有佢講冇人講就好啱既攻勢：
你教壞個工人黎害我地，你知唔知因為你我要賠錢炒咗個工人，仲要出錢請過一個呀，你知唔知要洗多幾多錢？！工人我出錢請架，唔係阿嫲，做咩咁多事，你教個工人點害我地丫？你自己話嘞！。。。

又等我講野？呢個時候，我大約估到咩事，於是回應弟婦：
佢幫阿嫲(99) 翻譯咗幾句，因為之前得佢地兩個，完全溝通唔倒，冇人要教壞工人，個工人本身有問題你地自己好清楚，唔好賴人，或者我真係好心做壞事了，算我多事，連翻譯都錯，最好咩都唔好理，對唔住，我同你道歉，但一樣還一樣，其他野咩較剪都唔知你噏咩，你有咩就講清楚佢，唔好夾埋一齊黎屈我，你都冇了解清楚件事一打黎就一味鬧人，你究竟你想點？

弟婦：你做咁埋咁多衰野，我地個個都知，你仲好意思同xx(c6)結婚，我到時飲實爆哂你啲衰野俾人知架，睇下到時邊個醜啦！。。。你估個個好似你咁得閒唔駛做架？我返工揾錢好辛苦架。。。Zyx6%? /&%@+:!:.......。。。(下省佢兩句粗口同繼續咆哮咗好多野，都無咩重覆架，成程電話大幾十五分鐘完結)

請問我究竟又做咗啲咩呀？先唔講無啦啦俾人噴到一面屁，你講到恐嚇黎我個婚禮搞破壞，真係聖人都無面俾！ 我連隨打了個電話俾c6，冷靜咁講番頭先發生咗咩事，同埋話佢知弟婦講咗好多野屈我咁我又一頭霧水。

我聽到c6響電話的另一端口噏噏：x，黎料啦黎料啦。。。 你做咩會聽佢電話架，我今日好忙，要做野先，唔得閒同你講電話住，你唔好唔開心，同如果再有咩電話都唔好接，我一放工會即刻返黎陪你，到時先詳談。。。(待續)
私人傳訊

venusbbb


大宅

積分: 2308

熱血勳章


80#
發表於 14-7-21 15:17 |顯示全部帖子

回覆：venusbbb 的帖子

(33) 計劃結婚期 13 --- 娌娌與姪女(大女)

妯娌(音：族李)，形容兩兄弟的妻子之間的關係，哥哥的妻子稱為妯，弟弟的妻子稱為娌。

我從未見過娌娌如此潑婦罵街。那一種既沒有文化又沒有point的謾罵，實在叫人很反感。不知何故，批鬥電話同99鬧到我放低鎖匙離開的一幕， 在我腦海中串聯了，忽然之間，娌娌同99兩個人，變得如此相近，我頓時不寒而慄。。。

其實我同叔仔和娌娌的相處一直並無太大異樣，我知娌娌係無飯煮婦亦從來唔做家務，以前大女出世都係叔仔幫bb沖涼，平時買飯呀接送大女等工作都係叔仔打點。c6有話過娌娌份人好計較同有啲古靈精怪，之前同99住相處得唔太和諧，c6話99係難相處但娌娌都唔係好人，之前都有提過我唔好同佢太close。

咁我同佢地平時傾計都唔會太深入，點都係一家人，閒聊下又有何不可呢？我同c6去親旅行都要幫佢買好多好多野，要我幫你買野時又唔見你話我乞人憎？咁我同c6不嬲都好錫好錫大女，唔計較，有人咁錫自己個女做父母應該開心先係丫？！

雖然等極都未等到c6放工，我個人有好多困惑，我知道娌娌肯定有古怪，但我同時知道冇野係關大女事的。有幾樣野係叔仔娌娌99等人不知道的：

1. 大女有功課唔識，會自己第一時間揾我問
2. 早排佢響學校同啲同學有磨擦，好唔開心，揾咗我同c6食飯傾訴
3. 佢有時去咗邊度玩都會坦白同我講，但又會講唔好俾papa mama知，因為佢地冇時間理之餘，淨係識得咩都話唔俾
4. 唔知係咪孖女出世cut咗大女啲補習同興趣班，佢有為此哭過
5. 全屋企包括c6都冇人知/有大女個instagram，得我有
6. 其實佢響學校識咗個男朋友仔，係同級高材生，咁 細路女幾時都應該以學業為重，但時代不同了，而且少女情懷總是詩，既然有啲野唔可以完全禁止，倒不如鼓勵佢講多啲，溝通多啲，引導佢健康成長。因為個男仔係高材生，令大女有多啲動力讀書，其實都幾好丫！重點係個大女把同蜜友呀同個男仔的情信貼紙相寶麗萊等等俾哂我，託我幫佢保管，怕被papa mama 99發現

大女信得過我同c6， 先會有事就同我地分享，將佢覺得重要既野交俾我地保管。99佢地唔識，小朋友都需要尊重，佢試過鬧大女顧住講電話，但鬧還鬧，明明人地講緊野，佢一手cut咗人地條線囉！又一無禮貌的代表作！

作為父母連個女唔開心係咩事都唔知，淨係理兩個細的，我都發脾氣啦！仲要賴人地教壞自己佢個女，我為此深表遺憾。

我無後悔食呢隻死貓，我最終都無爆大女的事出黎為自己辯護，我相信大女夠大個明辯是非，至少我唔信佢會因為阿媽兩句就當咗我係衰人，我之前的付出同之前大家建立的情誼係穩固而有基礎的。早兩日佢透過instagram 同我講：long time no see, 好掛住你！ 我真心有點酸溜溜，事關我為咗唔俾位娌娌入連大u女都無見了，感覺犧牲了她。

等。。。寂寞到夜深。。。我終於等到c6放工回來了！( 待續 )
私人傳訊


首頁
23456...7

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見