本帖最後由 rose-mag 於 15-12-9 00:21 編輯
多利是 發表於 15-12-9 00:05
我有類似既case, 咁我睇風中可能更加鐘意九爺, 更加唔鐘意無忌
講開題外話, 到2X年後,大家知道返 ...
我朋友同男友選擇忽視,佢地冇去質問,亦冇去話原諒,況且個衰人亦都冇主動認錯要求原諒,咁朋友同男友又何必枉作小人去原諒人地,咪由得果個人自己消失喺佢地嘅生活中就算。其實當時仲有另一個幫凶,我都識添,係我朋友好姊妹,但原來呢個所謂好姊妹背後一直講我朋友壞話。
朋友同男友選擇面對將來,當時男友未正式離婚但已分居,只差簽紙,但因為有兩個仔,要好好處理,朋友就一直俾時間男友,後來我冇再追問,只係見朋友轉工轉行,成日飛嚟飛去,又好似好享受新工作,但似乎冇時間停低得閒,好朋友心照不宣,我知道成件事(我見証過果個衰人追佢果十幾年),提過佢唔好委屈自己,唔好活喺廿年前果個好夢中,人要向前看,男友如果唔可以同步俾到承諾的話,自己要為自己打算。朋友以前隔年嚟探我,呢幾年轉行轉工好忙,不過好多嘢心照就夠,佢只要開心陳年舊事就俾佢過去,心中記恨唔會令自己好過。
花旗太太生活在花旗國,留意時差,你問我未必即時答到。